Kuvayt "Jazeera Airways" aviakompaniyasi O‘zbekiston va Qirg‘izistonga muntazam aviaqatnovlarni yo‘lga qo‘ydi

29.06.2021 900

2021-yil 28-iyun kuni Kuvayt "Jazeera Airways" aviakompaniyasi O‘zbekiston va Qirg‘izistonga muntazam aviaqatnovlarni yo‘lga qo‘ydi.

2021-yil 28-iyun kuni soat 15:00 da Hyatt Regency Tashkent mehmonxonasining "Buxoro" konferens-zalida "Jazeera Airways" ijrochi direktori Rohit Ramachandran va O‘zbekiston Respublikasi turizm va sport vazirligi rahbariyati a'zolari ishtirokida matbuot anjumani bo‘lib o‘tdi.

Tadbirda Turizm va sport vaziri o‘rinbosari Abdulaziz Aqqulov ochib berdi, anjumanda "Jazeera Airways" ijrochi direktori Rohit Ramachandran, vazirlik va idoralar vakillari, milliy OAV vakillari va blogerlar ishtirok etishdi. .

"2020 yilning 19 fevral kuni Toshkent shahrida Turizm va sport vazirligi tashabbusi bilan o‘tkazilgan “Uzbekistan Airports”, “Aviation & Logistics Forum” (UAALF-2020) xalqaro aviatsiya forumi, uning doirasida hamda ikki tomonlama muzokaralar davomida erishilgan kelishuvlar O‘zbekiston va hamkor davlatlar o‘rtasidagi yangi-yangi aviaqatnovlar joriy etilishi uchun poydevor bo‘ldi. So‘nggi uch yilda O‘zbekistonda faoliyat yuritayotgan xorijiy aviakompaniyalar soni 15 dan 24 taga ko‘paygan, shu jumladan, “IrAero”, “FlyDubai”, “Zagros Airlines”, “Air Arabia”, “Zhejang Loong Airlines”, “Sky Up”, “Air Cairo”, “Fly Egypt”, “I fly” kabi yangi aviakompaniyalar mamlakatimizga parvozlarni amalga oshirmoqda. Bular qatoriga “Jazeera Airways” aviakompaniyasi qo‘shilganidan g‘oyat mamnunmiz. Shu bilan birga, “Jazeera Airways” aviakompaniyasi va Turizm va sport vazirligi hamkorlikda Quvaytda respublikamizning turizm salohiyatini targ‘ib qilish kampaniyasi tashkil etildi. Ishonchim komilki, mazkur sa’y-harakatlarimiz bilan biz ikki tomonlama sayyohlik oqimini ko‘paytiramiz va Quvayt aholisi O‘zbekistonni eng mashhur sayyohlik maskani sifatida kashf etadi” - deya xabar berdi Abdulaziz Aqqulov.

“Jazeera Airways” -Quvaytning Al-Farvaniya gubernatorligidagi Quvayt xalqaro aeroporti hududida joylashgan eng yirik Quvayt aviakompaniyasidir. 2004 tashkil etilgandan buyon aviakompaniya yaqin Sharq, Hindiston, Shri-Lanka va Yevropaga muntazam parvozlarni amalga oshiradi. “Jazeera Airways”-Quvayt aeroportidagi eng yirik operatorlardan biri bo‘lib, 2009 yil iyul oyi davomida aeroportdagi barcha samolyot va yo‘lovchilarning to‘rtdan bir qismiga xizmat qilib, mamlakatdagi ikkinchi milliy aviatashuvchiga aylandi.

“Jazeera Airways” ijrochi direktori Rohit Ramachandran ta’kidlaganidek: aviakompaniya kengayishda davom etmoqda va yozgi ta’tilni rejalashtirayotgan sayyohlarning katta qismiga xizmat qilamoqda. Quvaytda va butun dunyoda Covid-19 virusiga qarshi emlash davom etar ekan, bu yilgi yoz mavsumida aeroportlar asta-sekin o‘z chegaralarini ochib, xavfsiz joylarga sayohat qilish uchun noyob imkoniyatlarni taklif qilishni boshlashdi. Aviakompaniya uchuvchilari va parvoz xodimlari allaqachon to‘liq emlashdan o‘tgan, shuning uchun mijozlarimiz biz bilan xavfsiz sayohat qilishlariga ishonch hosil qilishlari mumkin".

Markaziy Osiyo mamlakatlariga yangi reyslarni boshlash vaqtida Quvaytga kirish, hozirgi vaqtda faqat Quvayt fuqaroligiga ega bo‘lgan yo‘lovchilar va qarindoshlarning birinchi darajalilarigagina ruxsat beriladi.

Eslatib o‘tamiz, Xorijiy pasport egalari 2021 yil 1 avgustdan Quvaytga kirishga ruxsat etiladi. Quvayt hududiga kiradigan yo‘lovchilarga barcha mahalliy qoidalar va qonunlarga rioya qilish, rasmiy tashkilotlar tomonidan chiqarilgan yangiliklar bilan tanishish tavsiya etiladi.

“Jazeera Airways” aviakompaniyasining Quvayt-Toshkent-Quvayt va Quvayt-Bishkek-Quvayt yo‘nalishidagi xalqaro qatnovlari A320neo samolyotlarida haftada bir marta muntazam ravishda 2 marotaba amalga oshiriladi.